Akwai yiwuwar haramta Sallah bayan bullar cutar COVID-19 a Jihar kano

Akwai yiwuwar haramta Sallah bayan bullar cutar COVID-19 a Jihar.  Kana 

  A cikin karshen makon nan ne aka tabbatar da cewa an samu wani mai dauke da kwayar cutar Coronavirus a jihar Kano. Wannan ne karon farko da cutar ta bayyana a Kano. 

  Wani Dattijo wanda ya taba rike Jakadan Najeriya a kasar waje ne aka samu ya na dauke da wannan cuta. Ana zargin cewa wannan Bawan Allah ya kamu da cutar ne a Legas.   

A dalilin haka ne gwamnatin jihar Kano ta yi wuf ta fara daukar matakai domin kare rayukar dinbin miliyoyin mutanen da ke zaune a Garin Kano daga wannan muguwar cuta.     

Wannan labari ya zo ne a daidai lokacin da hukumar NCDC mai takaita yaduwar cuta ta kafa dakin gwajin COVID-19 a asibitin koyon aiki na Malam Aminu Kano da ke Jihar.   

 Kwamishinan kiwon lafiya na Kano, Dr. Ibrahim Tsanyawa, ya fadawa Daily Trust cewa an hana masu Keke-Napep watau A-daidaita-sahu daukar fiye da fasinja guda a lokaci daya.